Ushtrimet fizike e po ashtu edhe stili i shëndetshëm i jetesës janë dy nga gjërat më esenciale për një shëndet të plotë dhe të mirë, të cilat tashmë janë vërtetuar edhe nga shkencëtarë të njohur në botë.

Mirëpo, të dyja këto kërkojnë përkushtim të madh, durim dhe motivim, që jo çdo kush nga ne mund t’i posedojë.

Në mesin e personave të cilët kanë këto karakteristika është edhe trajnerja e fitnesit nga Gjilani, Doruntina Arifi (25-vjeçe), e cila është mjaft e dhënë pas fitnesit – fushë kjo me të cilën merret prej shumë vitesh.

 

Duke qenë se është shumë e angazhuar në karrierën e saj prej trajnereje, Doruntina për Telegrafin tregon pesë hapat që duhet të ndjekim për të pasur një jetë sa më të shëndetshme:

1. Mendja e shëndetshme

2. Aktiviteti fizik për shkak se lirohen hormonet e lumturisë, serotonina dhe për këtë duhet të kalojmë kohë sa më shumë në palestër

3. Ushqimi i shëndetshëm, filloni të pini ujë çdo mëngjes para se të zgjoheni sepse bën pastrimin e aparatit tretës, konsumoni ushqim me sasi të vogël por shumë herë gjatë ditës dhe duhet të bëjmë pushim nga vakti në vakt

4. Pozitiviteti

5. Të largohemi sa më shumë nga teknologjia, të kalojmë sa më shumë kohë me gjërat që na bëjnë të lumtur, të pranosh që nuk je perfekt por mundesh çdo ditë të japësh maksimumin prej vetes që të arrish atë që dëshiron, të mendosh për çdo ditë mirë e mbi të gjitha për një të ardhme produktive dhe të shëndetshme.