Deputeti Abdullah Saliu nga Aleanca për Shqiptarët kishte një debat të ashpër me rojet kufitare në vendkalimin kufitar Bllacë, natën e kaluar rreth orës 18:30.

Në hyrje të vendit, deputeti nuk donte të priste në radhë të automjeteve, duke u ngjitur në trotuar me veturën e tij Volkswagen Passat. Ai parakaloi automjetet në pritje duke kaluar edhe kabinën e shërbimit kufitar pa ndaluar dhe u drejtua për në zonën e doganave.

Policia kufitare vrapoi drejt automjetit të deputetit Saliu, ndërkohë që ai doli nga automjeti dhe i bërtiti duke i hedhur dokumentet. Deputeti me një ton të lartë kishte thënë ishte anëtar i Kuvendit të Republikës së Maqedonisë dhe se procedurat standarde për kalimin e kufirit nuk vlejnë për të. Më parë, Saliu dërgoi fëmijën e tij të mitur në kabinën për të dorëzuar dokumentet dhe për të përcjellë mesazhin nga babai i tij se ai nuk mund të priste në radhë.

Oficeri refuzoi dokumentet sepse vendosi të respektojë dhe të mbajë rendin midis udhëtarëve. Kreu i pikës kufitare u përpoq të qetësonte situatën dhe të shpjegonte procedurën për kalimin e kufirit, por Saliu vazhdoi të bërtiste se nuk kishte pritur në kufi askund në Evropë, as nuk do të priste edhe këtu. Ai gjithashtu tha se askush nuk mund t’i bëjë asgjë. Sipas informacioneve jozyrtare, zyrtarët paralajmëruan deputetin Saliu se do të bëhej një ankesë zyrtare në lidhje me sjelljen e tij. Këto janë parashtrime sipas nenit 4 të Ligjit për kundërvajtje kundër rendit publik dhe paqes, Ligjit për kontrollin e kufirit (shmangien e kontrollit të kufirit) dhe Ligjit për sigurinë e trafikut rrugor (tejkalimi i një kolone).

Në pritje të informacionit zyrtar nga Ministria e Brendshme, dhe natyrisht nga deputeti Saliu, mbetet vetëm të konkludojmë se disa zyrtarë “pak” i tepër kuptojnë kompetencat dhe funksionet e tyre dhe i lejojnë vetveten të bëjnë të “FORTIN ” duke ngritur nivelin e tonit para punonjësve të zakonshm të rendit në uniformë që mundohen të bëjnë punën e tyre.