Ballina MAGAZINA “SHPK Nazi” njoftojnë se nuk do ta transmetojnë episodin e ri këtë...

“SHPK Nazi” njoftojnë se nuk do ta transmetojnë episodin e ri këtë javë: Nuk mendojmë se ka atmosferë për humor

Shteti shqiptar po kalon momente shumë të vështira pas tragjedisë që ndodhi në Durrës dhe Thumanë të martën.

Numri i viktimave tashmë raportohet të ketë hipur në 49, teksa mbi 750 është numri i të lënduarve nga tërmetet.

Si rrjedhojë, e mërkura u shpall ditë zie në Shqipëri, teksa thuajse të gjithë këngëtarët shqiptarë kanë anuluar mbrëmjet e tyre muzikore, në shenjë respekti për viktimat.

Edhe seriali humoristik shumë i ndjekur në Kosovë, “SHPK Nazi” ka njoftuar për shikuesit se këtë javë nuk do ta transmetojnë episodin e tyre të re.

Në një njoftim të bërë përmes rrjetit social Instagram, faqja zyrtare e serialit ka bërë të ditur tashmë se për shkak të tragjedisë së rëndë, episodi i radhës i paraparë për këtë vikend, nuk do të publikohet.

“Për shkak të fatkeqësisë që ndodhi në Durrës, këtë fundjavë nuk do të transmetojmë episodin e radhës. Nuk po mendojmë që ka atmosferë për humor! Shihemi javën tjetër”, shkruan në njoftim faqja zyrtare e serialit në Instagram.