Shkëndija fitoi me rezultatin e thellë 6-1 në derbin ndaj skuadrës së Xhepçishtit, Renovës, duke vazhduar ngjitjen, teksa përfitoi edhe nga ndalesa që Shkupi i bëri Vardarit, për t’u afruar edhe më shumë me kreun.

Omar Imeri, Alimi, Besar Ibraimi, Agim Ibraimi, Fazli dhe Totre shënuan për skuadrën e Ernest Gjokës, ndërsa Renova gjeti golin e nderit me anë të Selmanit, kur rezultati ishte 5-0.

Shkupi i drejtuar nga ish trajneri i Shkëndijës, Qatip Osmani, arriti t’i marrë një barazim 1-41 Vardarit, falë golit të Godiaby,që iu kundërpërgjigj rrjetës së Juninhos në pjesën e parë.

Edhe skuadra tjetër shqiptare, Trim&Lum mori një rezultat mjaft pozitiv në transfertën ndaj Akademija Pandev, duke e ndalur në barazim 1-1.

Përfiton maksimalisht Shkëndija, që ngjitet në kuotën e 24 pikëve në vendin e tretë, me vetëm 7 pikë më pak se Vardari kryesues dhe 3 më pak se Akademija Pandev e vendit të dytë.