Newcastle United raportohet se është në bisedime me Princin e Kurorës së Arabisë Saudite, Mohammad bin Salman, i cili thuhet se ka bërë një ofertë prej 340 milionë funtesh apo 403 milionë euro për blerjen e klubit.

Laraskat janë në pronësi të Mike Ashley që nga viti 2007 dhe përkundër një numri propozimesh në të kaluarën, biznesmeni anglez i Sports Direct ka mbetur në krye duke i zhgënjyer tifozët e klubit.

Por, sipas Wall Street Journal, shteti i Arabisë Saudite, konkretisht Fondi i Investimeve Publike, janë në negociata dhe një marrëveshje mund të arrihet në ditët e ardhshme.

Mike Ashley (majtas) pritet ta pranojë ofertën e Mohammad bin Salman

Sidoqoftë, është vërejtur që nuk ka përfunduar akoma dhe ka ende një shans që marrëveshja të dështojë.

Një figurë kryesore në një marrëveshje të mundshme është biznesmenja britanike Amanda Staveley, e cila ka organizuar grupin e investitorëve përmes lidhjeve të saj të forta në Lindjen e Mesme.

46-vjeçarja, një ish e dashur e Princit Andrew, ishte në tribunat e St James Park gjatë barazimit 1-1 të Newcastle me Liverpoolin në tetor të 2017.

Amanda Staveley

Ajo këshilloi për marrëveshjen e ndryshimit të lojës që pa Sheikh Mansour të blejë Manchester Cityn dhe të ndryshojë në mënyrë dramatike fatet e klubit.

Princi Salman, i cili ishte organizator i ndeshjeve të titullit për pesha të rënda në mes të Anthony Joshua dhe Andy Ruiz, kohëve të fundit u përpoq të blinte edhe Manchester Unitedit.

Ai u tha se kishte testuar ujërat me dy oferta – njëra prej të cilave u tha të ishte një shumë e madhe prej 3 miliardë, por përfundimisht nuk ishte në gjendje të bindte familjen Glazer për të shitur klubin nga Old Trafford.

Mohammad bin Salman së bashku me Trump dhe Erdogan

Çdo marrëveshje për blerjen e Newcastle do të ishte një projekt shumë më i lirë, me shumë mundësi në një klub që ka ngecur kohët e fundit.

Miliarderi me qendër në Dubai, Sheik Khaled Bin Zayed Al Nahyan, zhvilloi diskutime me klubin vitin e kaluar dhe ishte afër blerjes së tij.