Levizja Pse Jo? nuk lejoi sot përmes protestës para Komunës Butel që të nëpërkëmbet dinjiteti shqiptar.Ata u tubuan aty me pankarta në dorë dhe detyruan që njeriu që shau shqiptarët të kthente mbrapshtë ato fjalë të rënda, fyese dhe raciste kundrejt shqiptarëve nën arsyetimin se i qe hakuar facebooku i tij informon TetovaSot.
Nisma Pse JO? thotë se BDI di të mbrojë interesin shqiptar .BDI poashtu u ka treguar oponentëve të tyre politik që kërkojnë pushtetin e ardhshëm te shqiptarët , se di edhe të protestojë, gjë që ata nuk e kanë bërë kurrë deri tani.

Dhe derisa kjo protestë ku protestuesit mbanin pankarta të ndyshme në duar, me mbishkrime si “Dorëheqje”, “Barazi”, “Nga komunistë u bëtë fashistë” arriti qëllimin e tyre sepse përmes Facebookut Kryetari i Butelit, Velimir Smilevski ka njoftuar se të punësuarit i është ndërprerë kontrata e punës, asnjë parti tjetër shqiptare nuk ka reaguar në këtë drejtim.
“Në lidhje me ngjarjen e djeshme të pakëndshme me të punësuarin në Komunën e Butelit, ju informoj se nga sot, angazhimi i tij në punë që ishte i rregulluar me kontratë, është ndërprerë dhe i njëjti më nuk është i punësuar në Komunën e Butelit” ka shkruar Smilevski percjelle TetovaSot.

Këshilltari maqedonas shau dhe ofendoi rëndë shqiptarët ndërsa ishte vetëm BDI përmes Nismën Pse JO? që reagoi në këtë drejtim .

Disa protestues thanë se kur vjen cështja tek dinjiteti shqiptar ,ata gjithnjë do të jenë në vijën e parë për të protestuar sepse shqiptarët sipas tyre tashmë janë të rëndësishëm në këtë shtet dhe sipas tyre për këtë arsye edhe ka ardhë koha që kryeministri të jetë shqiptar.