Kandidati për zëvendës kryeministër dhe ministër për sistem politik dhe marrëdhënie me komunitetet, Artan Grubi sot së bashku me një delegacion ka marrë pjesë në shënimin e 110 vjetorit të lindjes së Gonxhe Bojaxhiut – Nënë Terezës në qendër të qytetit të Shkupit.

Sot, bashkë me Kryetarin e Kuvendit, Talat Xhaferi, nënkryetarin e Shkupit Enver Maliqi, Drejtorin e ITSHSH Skender Asani dhe të tjerë, shënuam 110 vjetorin e lindjes së Gonxhe Bojaxhiut – Nënë Tereza në qendër të Shkupit me përmirësimin e një padrejtësie shumëvjeçare duke e zëvendësuar pllakën e vjetër përkujtimore me të re, edhe në gjuhën shqipe.