Ditë e mbarë dhe intenzive e punës e sotmja ku bashkë me ministrat Kreshnik Bekteshi, Arbër Ademi dhe Hisen Xhemaili, kryetarin e degës së BDI-së Çair Izet Mexhiti, deputetët e zonës Artan Grubi dhe Ejup Alimi, zëvendës kryeministrat Bujar Osmani dhe Sadulla Duraku , nënkryetarin e Qytetit të Shkupit Enver Maliqi dhe shumë bartës të funksioneve publike:

– vëzhguam ecurinë e punës për zgjerimin e Rrugës së Plastikave si dhe realizuam takim me afaristët e kësaj zone;

– shqyrtuam procesin e vendosjes së vitrinave të reja në dyqanet e Çarshisë së Vjetër në suaza të projektit për revitalizimin dhe ruajtjen e autenticitetit infrastrukturor të vatrës sonë të kulturës dhe

– takuam esnafin e Çarshisë për të bashkëbiseduar rreth dinamikës së punimeve aktuale, si dhe për të ndërtuar bashkë me ta strategjinë e veprimit në të ardhmen.

Duke qenë më afër qytetarëve e punëtorëve të sinqertë dëgjojmë me vëmendje kërkesat e këshillat e tyre dhe sëbashku realizojmë. Gjithmonë transparent e përgjegjës në shërbim të qytetarëve!